Kambódía

Komum til Kambódíu frá Hanoi, með viðkomu í Ho Chi Min borg/Saigon, þar sem farþegarnir okkar fóru í dagsferð. Við vorum eftir um borð og dittuðum að þessu og hinu, Geir stjórnaði "show"inu eins og sannur herforingi.

Eins og kokkarnair og Erna voru búin að segja okkur, kom Kambódía okkur verulega á óvart. Landið, amk. Siem Reap er alveg æðislegt. Fólkið er yndislegt, maturinn fínn, og verðlagið svakalega lágt, sem flestir nýttu sér.

Fyrri dagurinn okkar fór í að skella sér í skounarferð í fljótandi þorp. Tókum TugTug út úr borginni og fórum svo í bát til að skoða þetta. Fólk þetta eru fiskimenn að atvinnu, og búa á litlum bátum. Allt þeirra líf fer fram á svona bátum, menn sigla í búðina sem er bátur líka, skólarnir eru stórir bátar, og þeir hafa jafnvel körfuboltvöll sem er á stórum fleka. Allt mjóg sérstakt og gaman að hafa skoðað þetta. Við komum við í ritfangabúð og keyptum bækur, penna og reglustikur og slíkt.  komum við í einum fljótandi skólanum og gáfum nemendunum þetta.

Seinni daginn fórum við að skoða kaustrið/hofið/musterið Angkor Wat sem er á heimsminjaskrá. Ekki fóru nú allir í það, Erna var búin að sjá þetta svo og kokkarnir, sem þurftu hvort eð er að fara að undirbúa matinn fyrir flugið daginn eftir.

Það er ekki ofsögum sagt að musterið er mjög tignarlegt og höfðum við öll gríðarlega gaman að því. Tók þessi ferð allan daginn, borðað var á hótelinu og farið svo snemma að sofa enda langur dagur framundan; Fljúga með farþegana til Singapore, og svo þaðan ferja vélina upp til Bankok þar sem verður tekin 5 daga hvíld. Farþegarnir skila sér svo þangað með lest frá Singapore.

Athugasemdir

[öddi (IP-tala skráð) 13.1.2009 kl. 20:32]

Þetta er ekki ritstífla.  Þetta er meiri háttar skortur á frásagnargáfu.  Þið eruð að upplífa frábæra hluti.  Látið okkur hér á klakanum njóta smá, við erum að koðna niður, kreppa, kuldi, kæruleysi:  öll Káin í einu.  Komon.  hér kemur það fjórða.  Látið okkur njóta með ykkur.  Myndir, atburðir, frásagnir af ríka fræga fólkinu :-) 

Hlakka til að sjá næstu færslu. 

PS  Fiji er að fara í kaf.  Ekki lenda ef allt er í grænum sjó.