Dagur 5, taka 2

Þetta var bara geðveikt gamlárskvöld. Kobe beef,humar,kálfur og gúmmulaði. Inga spilaði á trompetinn fyrir okkur á þakhæð hótelsins og kom okkur öllum í rétta gírinn. Nú árið er liðið hljómar rosalega flott úr trompetnum hennar. Vorum flottust af öllum og lang stærst líka. Berglind tók smá syfjukast en náði sér fljótlega. Þessi borg er alveg frábær og við höfum aldrei séð aðrar eins skreytingar og flugeldasýningin var engu lík. Svo fórum við bara að sofa og vöknuðum áður en flugeldabrjálæðinu lauk heima. Fórum í skoðunarferð um Hong kong og fórum svo snemma að sofa. Þetta er borg sem við öll erum til í að heimsækja aftur.

Athugasemdir

[Inga Einarsdóttir (IP-tala skráð) 3.1.2009 kl. 16:48]

Elsku Begga og Inga, gaman að fylgast með ykkur elskurnar (auðvitað hinum líka). Hafið það hrikalega gaman og gott og njótið í botn. Ég veit að þið eruð fjölskyldum ykkar, Icelandair og Íslandi til sóma hvert sem þið komið. Hlakka til að sjá lesa um fleiri ævintýri og sjá fleiri myndir. knús og kossar Inga

[Anna Sigurdardóttir (IP-tala skráð) 4.1.2009 kl. 23:11]

Hæ elsku Inga, Begga, Nonni og auðvitað þið öll hin. Gaman að lesa um góð áramót hjá ykkur, njótið þess sem koma skal, hlakka til að sjá myndir og heyra meira af ævintýrum ykkar.

Knús og kossar, Anna Sig

[Helga Guðmundsdóttir (IP-tala skráð) 5.1.2009 kl. 13:00]

Sæl öll sömul...   

Var að hlusta á kreppuþátt í útvarpinu og Bubbi var að syngja kreppulag....  mikið er nú gott að lesa bloggið ykkar og finna gleðina og jákvæðninga rjúka út úr hverju orði enda samkvæmt kínverskri speki þá er árið 2009 gult á litinn sem þýðir að það verði gott ár.......... Njótið hvers augnabliks og dragið andann djúpt í hvert skipti sem þið sjáið eitthvað fallegt og hugsið um mig í leiðinni !!!   Hipp...  hipp....   

Bestu kveðjur og knús til ykkar allra

Sérstakar kveðjur til: Gulla , Beggu, Nonna (Gunnabróðir og Sússumaður), Ernu, Ingu, Geira, Gurrýjar, og auðvitað allra hinna líka.

Helga Guðm

[Draupnir Rúnar Dr. (IP-tala skráð) 6.1.2009 kl. 02:20]

Gleðilegt ár öllsömul.

Æðislegt að geta fylgst með hérna í máli og myndum og upplifað ,,smá,, af ævintýrinu stórkostlega með ykkur elsku vinir.
Njótið ykkar í tætlur og verið dugleg að skoða ykkur um og kynnast menningu og siðum landanna er þið stoppið í. Væri svooooo til í að vera með ykkur í þessari reisu.
Hlýjar æðisgengnar stuðkveðjur til ykkar allra frá Íslandi og verið dugleg að setja inn myndir og bloggfærslur ykkar Draupnir Rúnar Draupnis.

[birna og soffía (IP-tala skráð) 8.1.2009 kl. 18:08]

Hæ hæ elsku Inga Gleðilegt ár og takk fyrir gömlu árin.  Mikið er gaman að skoða myndirnar og skrifin ykkar.  Erum með þér í huganum!!!  Njóttu þessa alls.  Samgleðjumst ykkur, og vildum að við værum með þér darling.  Hlökkum til að sjá þig. Bestu kveðjur til ykkar allra.    Birna, Soffía og co